النجوم الزاهرة فى ملوك مصر و القاهرة - مكتبة المعرفة

أحدث المشاركات

Post Top Ad

Post Top Ad

الثلاثاء، 21 فبراير 2017

النجوم الزاهرة فى ملوك مصر و القاهرة

pdf egypt


النجوم الزاهرة فى ملوك مصر و القاهرة

النجوم الزاهرة فى ملوك مصر والقاهرة كتاب ضخم للمؤرخ المصرى ابن تغرى بردى أرخ فيه لتاريخ مصر من بداية التاريخ لغاية سنة 1467م. بيتكون الكتاب فى طبعة دار الكتب المصريه من 16 مجلد اتنشرو مجلد ورا التانى فى فتره اخدت اكتر من اربعين سنه من 1930 ل 19722. الفضل فى نشر الكتاب بيرجع لعبد الخالق ثروت باشا اللى اعتم بنشر الكتاب. اعتمدت دار الكتب المصريه على نسخه مصوره للنسخه الاصليه الموجوده فى استانبول بأرقام 3498 و 34999. القسم الادبى فى دار الكتب المصريه حقق الكتاب بطريقه علميه كويسه. لكن قبل كده نشر المستشرقين و حققو اجزاء منه زى جوينبل و ماتس ( 1852 ) ، و المستشرق بوبر بمساعدة مستشرقين كبار ( من 1909 ل 1930 ).
صورة مخطوطة كتاب النجوم الزاهره موجوده فى القاهره برقم 1343 تاريخ ، و فيه منه نسخ محفوظه فى مكتبة آيا صوفيا فى استانبول و برلين وسانت بطرسبورج و ابسالا و باريس و مكتبة المتحف البريطانى فى لندن و غيرها. و لما استولى سليم الاول على مصر و شاف الكتاب امر بنقلهلتركيا عشان يترجم للتركى فنقله قاضى العسكر التركى شمس الدين احمد باشا على تركيا و ترجم جزء منه المولى آشجي زاده و اتعرض على  سليم الاول فعجبه و امر بتكميل الترجمه.
كتاب " النجوم الزاهرة فى ملوك مصر والقاهرة " لإنه من أهم المصادر التاريخيه اهتم بيه الغربيين جداً، فترجم المستشرق الهولاندي جونبل مجلدين ضخمين منه و نشرهم فى مدينة لايدين (1851- 1855). و ترجم المستشرق الأمريكانى وليم بوبر عشر اجزاء منه نشرتهم جامعةكاليفورنيا (1909 - 1929).
ابن تغرى قال فى بداية الكتاب انه كتبه لنفسه من غير طلب من سلطان او امير لكن فى اخره قال انه كتبه عشان صاحبه الامير محمد ابن السلطان جقمق اللى كان ابن تغرى متوقع انه حا يوصل للعرش و كان عايز يختم الكتاب بيه لكن الامير محمد اتوفى.
احمد بن حسين التركمانى الحنفى المعروف بـ" المرجى " كان صاحب ابن تغرى و تلميذه و هو اللى نسخ الكتاب بخطه و بيقول فى اخر نسخة كتاب " المنهل الصافى " ، اللى هو كمان من تأليف ابن تغرى ، إنه بعد مااستوعب الكتاب لقاه حاجه ما شافش زيها فى عصره.

منهج الكتاب


بن بردى كتب النجوم الزاهره بمنهج مخالف لمنهج استاذه المقريزى حيث انه خلى كل فتره من فترات السلاطين فصل فى حد ذاته و بعدين كتب السنين و احداثها ورا بعض جوا الفصل لغاية ما يوصل لوفاة السلطان و يبدأ يحكى عنه على شكل ترجمه منفصله ساعات فيها احداث و بعدها رتب سنين عهد السلطان ترتيب عددى و دون وفيات كل عهد فى فصل واحد.
اتوسع ابن تغرى جداً فى تاريخ الدوله الفاطميه و بعد ما حكى اخبار الدوله المملوكيه وصل لعصره و ابتدا الكتاب ياخد شكل سجل يومى حولى من عهد الناصر فرج تقريباً لغاية عهد الأشرف قايتباى.
كتاب النجوم الزاهره مش بس تأريخ لمصر لكن كمان للنيل حيث ان ابن تغرى اهتم فيه بأحوال النيل و تقلباته و وفاءه و شحه من سنه لسنه صحيح ابن أيبك الدوادارى سبقه فى الموضوع ده لكن سجل ابن تغرى اكمل. العلامه المصرى امين باشا سامى اعتمد على الكتاب  فى كتابه " تقويم النيل ". الكتاب كمان اتكلم عن النشاط العمرانى فى مصر و ذكر ابن تغرى فيه المبانى و الميادين و مقياس النيل و غيرها و دى ميزه لابن تغرى اللى كان مهتم بتسجيل التاريخ الحضارى لمصر مع تاريخها السياسى.
ابن تغري بردي الف ملخص لكتاب " النجوم الزاهرة فى ملوك مصر والقاهرة " سماه " الانوار الظاهرة الكواكب الباهرة من النجوم الزاهرة ". كتب ابن تغرى انه عمل ملخص للكتاب لإنه خاف حد غيره يعمله ملخص فيلخبط تنظيمه و فصوله.
الجزء 01 : 
تحميل
5.64MB .PDF
الجزء 02 :  
تحميل
5.03MB .PDF
الجزء 03 : 
تحميل
4.69MB .PDF

ليست هناك تعليقات:

إرسال تعليق

Post Top Ad

تواصل معنا

أكثر من 10,000+ يتابعون موقعنا عبر وسائل التواصل الإجتماعي إنظم إلينا الآن

إجمالي مرات مشاهدة الصفحة

إشترك في قناتنا على اليوتيوب

View My Stats

عن الموقع

authorمرحباً، إسمي عادل وأنا هنا لأقدم لكم أحدث المقالات ، النصائح و المعلومات في كثير من المجالات التي تثري معارفكم

نموذج الاتصال

الاسم

بريد إلكتروني *

رسالة *

نموذج الاتصال

الاسم

بريد إلكتروني *

رسالة *